ബാങ്ക് ചെയര്‍മാന്‍ ശ്രീ. എം.സി.സുരേന്ദ്രന്‍, ബാങ്ക് ജനറല്‍ മാനേജര്‍ ശ്രീ. ഇ.പി.ശ്രീകുമാര്‍ എന്നിവരെ കൂടാതെ ബാങ്ക് ഡയറക്ടര്‍മാരും നിരവധി ഇടപാടുകാരും ജീവനക്കാരും തദവസരത്തില്‍ സന്നിഹിതരായിരുന്നു. പുതിയ കോര്‍ ബാങ്കിംഗ് സംവിധാനം നിലവില്‍ വന്നതിനെ തുടര്‍ന്ന് പുതുതായി നിലവില്‍ വന്ന എസ്.എം.എസ്.ബാങ്കിങ്ങിന്റെ ഉത്ഘാടനവും ശ്രീ. നന്ദകുമാര്‍ നിര്‍വഹിച്ചു. ഈ സംവിധാനം നിലവില്‍ വന്ന, സംസ്ഥാനത്തെ ആദ്യ അര്‍ബന്‍ ബാങ്കും കൂടെയാണ് പീപ്പിള്‍സ് അര്‍ബന്‍ സഹകരണ ബാങ്ക്. ദേശ സാല്‍കൃത ബാങ്കുകളുടെ എ.ടി.എമ്മുകളില്‍ ലഭ്യമായ ഒട്ടുമിക്ക സൌകര്യങ്ങളും പുതുതായി ഉത്ഘാടനം നിര്‍വഹിച്ച എ.ടി.എമ്മില്‍ ലഭ്യമാണ്.
സംസ്ഥാന ഗവണ്മെന്റും റിസേര്‍വ് ബാങ്കും തമ്മില്‍ ധാരണാ പത്രം ഒപ്പിട്ടതിനെ തുടര്‍ന്ന് ശാഖാ വികസനം, എ.ടി.എം സ്ഥാപനം തുടങ്ങിയവയില്‍ റിസേര്‍വ് ബാങ്ക് മുന്‍പ് ഏര്‍പ്പെടുത്തിയിരുന്ന നിരോധനം നീക്കിയിരുന്നു. അതിനെ തുടര്‍ന്ന് സംസ്ഥാനത്ത് മുഴുവന്‍ അര്‍ബന്‍ സഹകരണ ബാങ്കുകളുടെ നിരവധി ശാഖകള്‍ ചുരുങ്ങിയ കാലം കൊണ്ട് തന്നെ ആരംഭിക്കുകയുണ്ടായി.
No comments:
Post a Comment